Joku hezigarriak

Haurrentzako materialak bilatzen ditugunean, euskarazkoak gutxi dira gehienetan. Zorionez, egoera aldatuz doa gero eta material gehiago aurkitu ahal ditugu. Interneten, adibidez, gauza interesgarri asko daude eta sarrera honetan, orrialde interesgarri bat ezagutuko dugu.

Web-orrialdek Chiltopiak sortutakoa da, eta joku hezigarri ugari eskeintzen digu. Gazteleraz, ingelesez eta frantzesez gain, euskeraz, katalanieraz eta georgianoz erabiltzeko aukera dugu ere.

Joku hauek, Haur Hezkuntzan edo Lehen Hezkuntzan erabiltzeko aproposak dira. Haur Hezkuntzarako, ipuinak, jokoak, eskulanak,...daude. Jokuak haurrerekin gauza desberdinak lantzeko balio dute, adibidez, eskulanekin motrizitate fina lantzen dute edo musikako jokoekin, entzumena lantzeaz gain, erritmoak ere landu daitezke.Gainera, zenbakiak eta letrak zelan idazten diren modu bisual batean erakusten du, haurrek nahi dutenean ikusi dezan, haurraren ikaskuntza autonomoagoa eta bere erritmora egokituta eginez. Lehen Hezkuntzarako, Haur Hezkuntzan bezala jarduera ugari ditugu (ipuinak,jolasak, eskulanak...), gainera ahozko eta idatzizko ulermena lantzeko ipuinak ere.

Fitxa hezigarriak erabili ahal ditugu ere, bai Haur baita Lehen Hezkuntzarako, hizkuntza, matematikak eta abileziak lantzen dituztenak.

Oso orrialde interesgarria iruditzen zait, Haur Hezkuntzarako material asko digulako eta gainera, lehen esan bezala euskeraz. Espero dut baliogarria izatea.

Joko hezigarriak Childtopia ;

Ipuina "Eta hori, noiz izango da?"

"Ordenagailuak eta ipuinak" sarreran aipanu dudanez, interneten ipuin asko eta asko aurkitu ditzakegu. Gaur, trasteatzen topatu dudan ipuin bat erakutziko dizuet. "Eta hori, noiz izango da?" du izenburua eta Haur Hezkuntzaz gain, Lehen Hezkuntzan ere landu daiteke.

Ipuin hau aukeratu dut, haurrek beraiek bakarrik erabiltzeko aproposa delako, irakurri eta entzuteko aukera ematen duelako, interaktibitatea bultzatuz.. Haur Hezkuntzako haurrek, ipuinean klikatuz gero orrialde horretan idatzita dagoena entzuten da, gorriz esaten hari den hitza testuan nabarmenduz. Ipuina entzun eta gero, galderak  egiteko aukera dago (galdera eta erantzun posibleak ere entzuten), haurraren ulermen gaitasuna lantzeko.

Lehen Hezkuntzan, haurrek bere kabuz ipuina irakurri dezakete eta ulermena lantzeko galdera erantzun ere. 

 
Horrez gain, denbora lantzeko ipuin interesgarria da.

Adi!Haurraren adina kontutan hartzea oso garrantzitzua da. Haur Hezkuntzan landuz gero, bigarren zikloan egitea aproposena izango da. Haur txikiagoentzako luzeegia da, eta beraz, oso zaila izango da denbora guztian haurren arreta izatea eta azkenean aspertuko dira.